Vernepleiar. Vestfold og Telemark. Noruega

Er du vår nye kollega?

Svingen og Reini bufellesskap er moderne bufellesskap, med høvesvis 11 og 4 leilegheiter, fellesareal inne og ute. Me yter tilrettelagte tenestar til menneske med ulike funksjonshemmingar i alle aldrar, med ulike trong for hjelp. Her har den einskilde vedtak på tenester, og arbeidet vårt er å hjelpe den enkelte i ulike daglegdagse gjeremål. Det betyr alt frå pleie og omsorg, veiledning, til å bli med på ulike aktivitetar. I tenesta vår samarbeider me med fleire ulike instansar, spesialisthelsetenesta, tverrfagleg helseteneste i kommunen og ulike arbeidstiltak.

Me har eit godt arbeidsmiljø, me er ein glad gjeng som hjelper og støttar kvarandre, og me arbeider kontinuerleg for å ha eit breitt fagleg fokus og halde oss oppdaterte for å yte gode tilbod til bebuarane.

Me legg vekt på endrings- og utviklingsarbeid med fokus på kompetanse, tverrfagleg samarbeid, og på å ta i bruk ny teknologi.

Stillinga er i turnus med arbeid kvar 3. helg. 35,5 t/veke

Faglege kvalifikasjonar:

• Autorisasjon som vernepleiar, men sjukepleiar kan også søkje
• Ynskeleg med erfaring frå miljøarbeid
• God munnleg og skriftleg framstillingsevne
• Førarkort klasse B for manuelt gir

Me ser etter deg som:

• Brukar fagkunnskapen din i det daglege arbeidet, og delar kunnskap med andre
• Er fleksibel og strukturert
• Tek ansvar, er tydeleg og kan sei ifrå når det trengs
• Er engasjert, blid, har godt humør og bidrar aktivt til eit positivt arbeidsmiljø
• Arbeider sjølvstendig og i team
• Skaper trygge, gode relasjonar til bebuarar, pårørande og kollegaer

Personlege eigenskapar vil bli vektlagt

Me kan tilby:

• Vernepleierar får eit lokalt tillegg på kr 48.000 over gjeldande tariff i 100% stilling ved Svingen/Reini bufellesskap.
• God opplæring og oppfylgjing som nytilsett
• Fagleg rettleiing og kompetanseheving.
• Gode velferdsordningar med tilbod om bading og trening i kommunale anlegg
• Aktivitetskort ( personaltrim)

I samsvar med offentleglova § 25 kan namn på søkjarane offentleggjerast.

Det er krav om politiattest til stillinga

Er du ein erfaren vernepleiar eller nyutdanna vernepleiar våren 2024, er du velkomen til å søkje!!

Om arbeidsgiveren:

Vinje kommune har gode utbygde og moderne helsetenester, barnehagar, grunnskular og universitet Campus Rauland. Kulturhus med kulturskuletilbod, symjehallar, idrettshallar og bibliotek. Me kan by på fantastiske opplevingar på ski, sykkel, fiske, fotturar og gode kulturtilbod.

Vinje kommune er ein kraftkommune med gode ressursar innan personell, økonomi og natur.

Her kan du lese meir om korleis det er å bu og jobbe i kommunen:

Flytte til Vinje? Informasjon til deg som vil bu, jobbe, skape og oppleve Vinje - Vinje (vinjenaturlegvis.no)