Vacante de maestro de educación infantil/maestra de educación infantil en Noruega (Nordland)

Mij åhtsåp tjiehpes ja vájmmelis sámegielak mánájgárddeåhpadiddjev 100% stuoves virggáj Viejega mánájgárden.

Mánájgárddevidnudahka Viejega OV dåjmat julevsáme mánájgárddefálaldagáv alla sámegiela ja pedagogihkalasj dásijn Ájluovtan Hábmera suohkanin. Mánájgárde pedagogihkalasj bargon dåjmaduvvá julevsáme filosofijja, árvo, luonndodádjadus, árbbemáhtudahka ja giella sáme pedagogihka baktu. Barggo julevsámegielajn la guovdátjin ja mánájgárdde l avtagielak julevsámegielak mánájgárdde.

Hva vi ser etter

Máhtudahka ja oahppo

● Mánájgárddeåhpadiddjeoahppo jali ietjá guoskavasj allaskåvllå- jali universitiehttaoahppo mij mánájfágalasj ja pedagogihkalasj máhtudagáv vaddá.

● Buorre sámegielmáhtudahka

● Bulkkeduodastus gájbbeduvvá virggáj biedjama aktijvuodan.

Persåvnålasj máhtukvuoda

● Dujna l vájmulasj berustibme julevsáme mánájgárdev åvddånahtátjit.

● Dån sidá jasska ja buorre mánájgárddebirrasav hábbmit.

● Dujna l berustibme sáme gielas, kultuvras ja árvojs.

● Dån vuojná árvov sámegielas ja sidá iesj stivrrit ja bagádallat mánáj giellaanov.

Arbeidsoppgaver

Bargodahkamusá

● Jasska ja åvddånahtte birrasav hábbmit ájnegasj mánájda ja ålles mánájjuohkusij.

● Plánit, hiebadit ja tjadádit mánájgárde pedagogihkalasj bargov

● Mánájgárdev avtagielak sámegielak birrasin bisodit ja åvddånahttet

● Barggoguojmijt bagádallat, vaj aktan buorre ståhkåm-, oahppam- ja giellabirrasav hábbmibihtit, gånnå buorre gasskavuoda ja jasska mánájgárddebirás la guovdátjin.

● Prosjevtajt tjadádit

Vi tilbyr

Mij fállap

● Avtagielak sámegielak birrasav.

● Sáme mánájgárdev gånnå åvddånahttem la guovdátjin.

● Mánájgárdev mij tjalmos barggij fágalasj máhtudakåvddånahttemav.

● Buorre bálkáv ja pensjåvnnåårdnigav

Om arbeidsgiveren:

Viejega OV la priváhta mánájgárddevidnudahka mij dåjmat julevsámegielak mánájgárddefálaldagáv Ájluovtan Hábmera suohkanin.

Mánájgárde ájggomus la dåjmadit julevsáme mánájgárdev gånnå bæjválasj bargon dåjmaduvvá julevsáme filosofijja, árvo, luonndodádjadus, árbbemáhtudahka ja giella sáme pedagogihka baktu. Dán láhkáj sihtá mánájgárdde nannit mánájt sáme kultuvra ja giela baktu vaj máná oadtju nanos sáme identitiehtav.

Julevsámegiella l guovdátjin mánájgárde bæjválasj dåjman. Mánájgárdde l avtagielak julevsáme ariedná, gånnå sámegiella l ræjddo ståhkamij, oahppamij ja guládallamij. Ulmme l bajedit produktijva julevsámegielak mánájt gudi bukti sámegielav joarkedit boahtte buolvajda.

Mánájgárdde galggá mánájda fállat jasska birrasav. Mánájgárde vuodoárvvo l láhtjet dilev jasskavuohtaj ja jasska avtastallamij. Mánájgárdde galggá aktisattjat mánáj sijdaj barggat vaj mánáj dárbbo huvos ja ståhkamis bærrájgåtseduvvi. Mánáj åvddånahttema diehti galggá mánájgárdde aj åvdedit oahppamav ja ávddamav.