Contratación en Noruega de enfermero responsable de cuidados generales/enfermera responsable de cuidados generales

Søkjer du ein interessant jobb med spanande utfordringar der du får nytta din erfaring og kompetanse? Då kan du vera rette person for oss.

Sunnhordland Interkommunale Legevakt IKS si viktigaste oppgåve er å levere tenester og service til innbyggjarane i form av øyeblikkelig helsehjelp. Dei tilsette er viktigaste ressurs for å nå dette målet. Vår kultur og personalpolitikk er basert på å fremja personleg utvikling, ansvarsbevissthet og arbeidsglede hos den einskilde medarbeidar.

Døgnavdeling IDA består av 5 kommunale kortidssenger og 4 øyeblikkelig hjelp senger der me tek imot pasientar både frå spesialisthelseteneste og fastlege/legevakt.

Me har mykje aktiv behandling der ein får nytte sjukepleie kunnskapen sin dagleg.

Det er ledig fylgjande stillingar:

1. 60 % fast sjukepleiar stilling i tredelt turnus. Arbeid hver. 3. helg. Ledig frå snarast

2. 70 % fast sjukepleiar stilling i tredelt turnus. Arbeid hver. 3. helg. Ledig frå snarast

3. 80% svangerskapsvikariat for sjukepleiar i tredelturnus. Arbeid hver 3. helg. Ledig frå snarast til mai 2025

Skriv i søknaden om du om du søker alle, eller berre nokre av stillingane.

Dine oppgåver vil m.a. vera å utføre sjukepleieoppgåver og andre avtalte oppgåver knytt til avdelinga i samarbeid med kollegaer og leiing. Hovudfunksjonen vil vera å yta gode faglege, vegleiande og omsorgsmessige tenester til dei pasientar som er inneliggjande i døgnavdeling IDA.

Kompetanse og personlege eigenskapar hos søkjar:

• Norsk autorisasjon som sjukepleiar.
• 2 års erfaring er ei føremun(gjeld legevakt).
• Har gode norskkunnskapar både skriftleg og munnleg.
• Har gode datakunnskaper.
• Evne til å ta ansvar og arbeide sjølvstendig og i team.
• Evne til å meistre eit høgt arbeidspress.
• Fleksibilitet.
• Evne til å bidra til godt samarbeid innan eiga avdeling og i organisasjonen generelt.
• Evne til å samarbeida tverrfagleg.
• Evne til å etablere god kommunikasjon og tillit.

Personlege eigenskapar vert vektlagt. Ved tilsetjing vil det bli stilt krav om at ein legg fram politiattest av ny dato

Me tilbyr:

• Løn etter tariffavtale
• Utvikling av eit fagmiljø med trivelege arbeidskollegaer der du kan vera med å påverka og utforme avdelinga.
• Kurs i akuttmedisin og volds- og overgrepshandsaming
• Ei heilt ny avdeling med flotte lokalar og med spanande utfordringar.
• Internundervisning
• Bedriftshelseteneste
• Medlemskap i Stord ve og vel

Offentlig tenestepensjon i KLP - Kort fortalt

Ved ytterlegare spørsmål og interesse for stillingane, ta kontakt med

Avdelingsleiar døgnavdeling IDA: Ingvild Boga på telefon 91727837 eller send e-post til ingvild.bogastord.kommune.no

Dagleg leiar: Agata Kapuscinska på telefon 40729263 eller send e-post til agata.barbara.kapuscinskastord.kommune.no (kapuscinskastord.kommune.no)

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Om arbeidsgiveren:

Sunnhordland interkommunale legevakt IKS dekker legevaktfunksjon for kommunane Fitjar, Bømlo og Stord med samla om lag 34.000 innbyggjarar. Legevakta flytta inn i nye, moderne lokale i 2017 og er lokalisert i tilslutnad til Stord sjukehus. Legevakta og døgnavdelinga har eit triveleg fagmiljø med personale som held høg fagleg kompetanse.