Tilkallingsvikar (Med moglegheit for eit vikariat på 40%)

Me i Breiflabben er på jakt etter fleksible tilkallingsvikarar med godt humør og kjærleik for natur og barn! Hos oss skal du vere ein verdig part i fellesskapet uansett stillingsbrøk og utdanning - difor søker me deg som er engasjert og vil eige kvardagen din. Du blir ein del av eit team som drar lasset saman! Hos oss skal me gjere dagen god for kvarandre og for barna.

Tåler du ein regnskur? Har du eit trygt fang? Har du glimt i auga og ein god dose energi?

I fyrste omgong har me behov for tilkallingsvikarar som kan steppe inn ved kortsiktig sjukdom og fråvær i personalgruppa. Det betyr at arbeidsmengda vil variere. Likevel vil det i periodar være auka behov, og ein vil få moglegheit til å jobbe heile veker eller lengre periodar. Frå 15 oktober og ut året har me auka behov, og arbeidsmengda vil ligge mellom 40-60%.

Me kallar inn til intervju fortløpande.

Høyrest dette interessant ut? Send oss gjerne ein søknad eller ta kontakt med oss.

Om arbeidsgiveren:

Ein liten friluftsbarnehage med fokus på natur, kropp og helse. Me har eit engasjert personale som vil skape ein trygg stad for barn og foreldre.