Kontormedarbeidar Voss ungdomsskule. Hordaland. Noruega

Voss - bygd for sterke opplevingar Du treng ikkje eta smalahove eller hoppa i fallskjerm for å bu og trivast på Voss, for me har mykje meir å by på! Kommunen har om lag 14.500 innbyggjarar, med Vossevangen som regionssenter. Bygda vår er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo. Voss kommune er den største arbeidsgjevaren i bygda, med om lag 1250 tilsette. Nynorsk er administrasjonsmålet i kommunen. Kan du identifisera deg med verdiar som profesjonell, påliteleg, skapande og inkluderande, kan du bli ein del av laget vårt. Som vossingar flest går me sjølvsagt for gull.

Det er ledig 40-80 % stilling som kontormedarbeidar ved Voss ungdomsskule frå 01.08.2018.

Om arbeidsstaden

Voss ungdomsskule har i dag 514 elevar og 90 tilsette. Skulen har dyktige tilsette med høg sosial og fagleg kompetanse. Målet vårt er at alle elevane skal oppleve meistring og læring kvar dag. Skulen ligg sentralt på Voss, ved Prestegardsmoen og det fine Vangsvatnet. I tillegg til skulen sin eigen gymsal, har elevane nær tilgang til symjeanlegg, friidrettsstadion, kunstgrasmatter og idrettshall. Skulen vart bygd som barneskule i 1963 og teken i bruk som ungdomsskule i 1970. Mellom 2005 og 2012 har hovudbygga på skulen blitt rehabilitert. Pedagogiske satsingsområde er vurdering for læring (MOOC), antimobbeprogrammet Zero og IKT som kompensatorisk hjelpemiddel.

Arbeidsoppgåver

Omlag 40 % av stillinga vil ha følgjande arbeidsoppgåver:

• Mottak av ulike henvendelsar frå elevar, tilsette, føresette og andre
• Registering og utarbeiding av lister i skulen sitt administrasjonsprogram, inkl. karakterutskrifter og vitnemål
• Fakturahandsaming
• Reiserekningar
• Arkivarbeid og posthandsaming
• Ansvar for skuleskyss
• Utleige av skulen
• Diverse kontorarbeid
• Andre oppgåver kan også bli lagt til stillinga

Det er også aktuelt å leggja oppgåva med vikarhandtering til stillinga. Stillingsprosenten vil då bli auka til omlag 80 % stilling.

Arbeidstid: 08.00-15.30, avhengig av stillingsprosent og etter nærare avtale. I periodar med mange arbeidsoppgåver, til dømes i eksamenstida og ved skulestart/skuleslutt, må det påreknast lengre arbeidsdagar.

Me søkjer

Kvalifikasjonar

• Fagbrev i kontorarbeidarfaget eller annan relevant utdanning knytt til administrasjon/økonomi
• Gode IT-kunnskapar
• Det er ønskjeleg med erfaring frå kontorarbeid, og gjerne kjennskap til administrative program som IST/Hypernet og Visma

Personlege eigenskapar

• Du er blid, omgjengeleg og ein god lagspelar
• Du er strukturert, fleksibel og løysingsorientert
• Du er nøyaktig og held det du lovar
• Du kommuniserer godt med elevar, kollegaer, foreldre og andre
• Du har god arbeidskapasitet

Godkjend politiattest må framleggjast før tiltreding i stillinga Hugs å gje opp referansar

Me tilbyr

• Eit stort fagleg miljø med høve for utvikling

• Eit samarbeidande fagmiljø og gode kollegaer

• Rettleiing

• Gode forsikrings- og pensjonsordningar

• Løn etter kommunalt avtaleverk og elles tilsetjing på vanlege kommunale vilkår

Voss kommune ynskjer eit større aldersmangfald mellom dei tilsette, og opp