Klinikkledar Vinje og Fyresdal tannklinikk. Vestfold og Telemark

Brenn du for leiing av offentlege helsetenestar og ynskjer ei variert stilling som er tett på det kliniske arbeidet?

Me søker klinikkledar til Vinje og Fyresdal tannklinikk,100% stilling frå sommar 2024. 

Me kan tilby ei spanande og variert stilling med gode høve til personleg og fagleg utvikling. Me søker deg som trivas med ein arbeidskvardag som kombinerar leiing med deltaking i den kliniske kvardagen på klinikken. Me søker ein ledar som tek initiativ og er utviklingsorientert. Du er tydeleg og har eit genuint ynskje om å bidra til å løyse samfunnsoppdraget til den offentlege tannhelsetenesta. Du må ha gode samarbeidsevner og kommuniserar godt, både på klinikken og med eksterne samarbeidspartnarar. Me ynskjer ein ledar som ser godt arbeidsmiljø som ein føresetnad for å lukkas i arbeidet.

Som ledar har du ansvar for den offentlege tannhelsetenesta i Vinje, Tokke og Fyresdal kommune. Klinikkledaren deltek i ledargruppa i seksjon tannhelse. Du samarbeider tett med ulike partar i seksjonen - både med fylkestannlegen, dei andre klinikkledarane, administrasjonen i seksjon tannhelse og i partssamarbeidet med tillitsvalde og verneombod. Du spelar på lag med mange gode kollegaer, der det er enkelt å be om råd og støtte!

I fylket har me verdiane kompetanse, samarbeid og openhet og håpar du har lyst til å vere med på å la desse vere synleg i måten me jobber saman på. Me meiner at me leverar betre tenester til innbyggarane våre om me samarbeider godt på tvers av alle yrkesgrupper og bidreg til kvarandres daglege utvikling ved å stille spørsmål og vere nysgjerrige på kvarandres fagkompetanse.  

Vinje tannklinikk ligg i Åmot sentrum i Vinje kommune - berre 30 minutt frå vinterdestinasjonen Rauland. Har du bil kjem du deg også raskt opp til både Haukelifjell og Hardangervidda, eller du kan køyre nedover til vårlege Dalen i Tokke kommune. Det er kollektivforbindelse med NOR-WAY Bussekspress til Oslo og Bergen.

Klinikken har fem behandlingsrom og er normalt bemanna med 4 team med tannlege og tannhelsesekretær, 1,5 tannpleiar, samt ein resepsjonist. Klinikken er lokalisert i same bygg som sjukeheim, legekontor, fysioterapeut, helsestasjon med meir. Lokalene er innbydande og moderne. Klinikken har OPG, kirurgimaskin og skal framover prøve ut digital avtrykkstaking. Som offentleg klinikk ute i distrikt har klinikken ei variert pasientsamansetning, med ein stor andel betalande pasientar. 

Fyresdal tannklinikk ligg i sentrum av Fyresdal kommune og er samlokalisert med lokalt legekontor. Klinikken er ein einmannsklinikk, med behandlarar som ambulerar frå Vinje 3 dagar i veka. Klinikken er bemanna med ein assistent på klinikken kvar dag. Tannpleiar frå Vinje ambulerar også nokon dagar i året og har ansvar for utadretta arbeid i Fyresdal kommune. Kontoret er moderne og innbydande - og kikkar du ut vindauget ser du rett bort på startpunktet for turistmagneten Tretoppvegen!

Begge klinikkar nyttar Opus som journalsystem og har digitalt intraoralt røntgensystem.

Vinje og Fyresdal kan tilby vakker Vest-Telemarksnatur, toppturar både sommar og vinterstid, fantastiske forhold for både langrenn og slalom, samt høve til jakt og fiske. Les meir om kva du kan oppleve i kommunane her: 

• vinjenaturlegvis.no. 
• Velkommen til Fyresdal (visittelemark.no).

Stillingstype: Fast

Stillingsstørrelse: 100%

Tiltredelse: Etter avtale

Søknadsfrist: 13.06.24

.

Ansvarsområder

Klinikklederstillinga er delt mellom leiing og klinisk aktivitet. Som ledar har du overordna ansvar for:

• Mål-, budsjett og resultatansvar
• Personalansvar, rekruttering og bemanning
• Daglige driftsoppgåver
• Faglig leiing, kompetanseheving og utviklingsarbeid
• Pasientbehandling
• Helse, miljø og sikkerhetsansvar 
• Samarbeid med eksterne samarbeidspartnarar som til dømes kommunal helse- og omsorgssektor, NAV og barnevern
• Godt samarbeid med tillitsvalde og vernetenesta

Endringar i ansvar og arbeidsoppgåver må kunne påreknas. 

Kvalifikasjonar

Utdanning:

• Me søker fortrinnsvis ein kandidat med tannhelsefagleg bakgrunn, med norsk autorisasjon som tannlege, tannpleiar eller tannhelsesekretær. Me er også opne for søkarar med bachelorgrad innan andre helsefag. Dersom søkar ikkje har tannhelsefagleg bakgrunn vil det vere ynskjeleg at søkar har tilleggsutdanning innan helseledelse eller har relevant leiarerfaring å vise til. 

• Det vil vere ein fordel med tilleggsutdanning innan relevante fagområder som administrasjon, organisasjon, økonomi, leiing, og/eller lover og avtaleverk.

Erfaring:

• Leiarerfaring frå tidlegare stillingar
• Anna leiarerfaring vil også vere positivt (til dømes styreverv eller leiarerfaring frå jobbar utanfor tannhelsetenesta).
• Klinisk erfaring frå arbeid som helsepersonell (anten frå tannhelse eller andre fagfelt innan helse)
• Gode kommunikasjonsevner. Du må beherske norsk godt både munnleg og skriftleg. 

Det vert forventa at du har digital kompetanse til å utnytte fylkeskommunen sine IKT-løysingar, ser mogleghetar i ny teknologi og er motivert for å ta i bruk nye digitale løysingar.

Personlege eigenskapar

• Du er fagleg trygg og likar nye utfordringar
• Løysingsorientert og trivas med høg aktivitet.
• God rolleforståing og gode kommunikasjons- og samarbeidsevner.
• Du ser mogleghetar og bidreg til nødvendig omstilling
• Du er ein person som bidreg til eit godt arbeidsmiljø
• Du likar å lede og utvikle andre.

Det vert vektlagt at du er personleg egna for stillinga. 

Fylkeskommunen skal vere ein omstillingsdyktig organisasjon, og arbeidsgjevar tek førehald om at arbeidsstad og arbeidsoppgåver kan endras ved behov.

Me tilbyr

• Gode kollegaer både på klinikkane og i seksjon tannhelse. Me er eit lag som samarbeider på tvers av profesjonar og roller!
• Ein seksjon under utvikling - der du kan vere med å forme eiga rolle og den offentlege tannhelsetenesta i Telemark
• Spanande og varierte arbeidsoppgåver
• Løn i henhald til hovudtariffavtale
• Pensjonsordning i KLP

Tilsetting og prøvetid 

Tilsetting skjer på grunnlag av dei til eikvar tid gjeldande lover, tariffavtaler og reglement. Ved tilsetting av helsepersonell, er godkjent norsk autorisasjon påkrevd. Det er vidare ein føresetnad at du kan fralegge godkjend politiattest (ikkje eldre enn tre månader). Som hovudregel praktiserar me 6 månadars prøvetid frå tiltredelsesdato.

Søke stilling  

Du søker via vårt elektroniske søknadsskjema. Vitnemål og attestar tek du med til eit eventuelt intervju. Ved søknadsfristens utløp vert det utarbeidd ei offentleg søkarliste. Søkarar som har bede om unntak frå offentleghet, vil bli varsla dersom me ikke kan imøtekome dette ynsket jf Offentleglova § 25. Fylkeskommunen er oppteke av at arbeidsstyrken i størst mogleg grad skal gjenspegle mangfaldet i befolkninga. Me oppfordrar difor alle som er kvalifisert til å søke uansett alder, kjønn, eventuell funksjonshemming, seksuell orientering, nasjonal eller etnisk bakgrunn. 

Om fylkeskommunen 

Fylkeskommunen er ein politisk styrt organisasjon som bidreg til samfunnsutvikling og verdiskaping i regionen. Me har ansvar for viktige oppgåver innan bla vidaregåande opplæring, kultur, folkehelse, tannhelse, kollektivtrafikk, fylkesvegar, samfunnsutvikling samt regional- og arealplanlegging. Telemark fylkeskommune skal bidra til verdi for framtida gjennom kompetanse, samarbeid og openhet. Me jobber tverrfagleg og set innbyggarane sine behov i sentrum. Til dette oppdraget søker me profesjonelle, inkluderande og modige medarbeidarar som er gode relasjonsbyggarar og løysingsorienterte lagspelarar.

Om arbeidsgiveren:

null