Kjøkkenassistent - 74,18 % fast stilling. Vestland

Kjøkkenassistent - 74,18 % fast stilling for tilsetjing snarast

Vi har ledig stilling som kjøkkenassistent for turnusarbeid i ein mangfaldig organisasjon med høgt aktivitetsnivå.

Hva vi ser etter

Vi søkjer deg som er nøyaktig, flittig og oppteken av å ha det kjekt på arbeid saman med gode kollegaer. Per i dag er det ti tilsette som arbeider i heil- eller deltidsstillingar ved kjøkkenet, og vi har no behov for å tilsette enno ein flink person for å erstatte ein av våre faste tilsette.

Arbeidsoppgaver

Arbeidsområde

Som assistent ved UWC sitt kjøkken vil du hovudsakleg arbeide med å førebu måltid (pålegg, frukt, salat m.m.), samt vaske og rydde i samband med dei tre daglege og faste måltida. Vi har eigne kokkar som lagar dei varme måltida.

Teamleiar og Operational Service Manager (OSM) er dine næraste leiarar.

Du vil inngå i ein turnusplan som inneber arbeid morgon, middag og kveld, og sidan skulen er heim for omlag 200 studentar så vil det også inngå helgarbeid kvar tredje veke i turnusen.

Arbeidsoppgåver

• Utføre daglege oppgåver knytt mot servering av frukost, lunsj og middag

• Ta i mot mat- og daglegvarer

• Oppvask, og vask av bord og golvareal i kantina

Kvalifikasjonar

• Det er ynskjeleg med erfaring innan kjøkken-/kantinedrift eller matservering, men dette er ikkje eit krav

• Evne til å yte god service til elevane og gjestane våre

• Norsk er arbeidsspråk i kvardagen, men sidan vi er ein internasjonal skule må ein også kunne kommunisere på engelsk

Personlege eigenskapar

• Interesse for mat

• Ynskje om å vere del av eit team som er ein særs viktig del av skulen

• Vere høgt motivert, ha god struktur og like og evne å jobbe sjølvstendig og i team

• Ha høg integritet og kan trivast med arbeid i eit dynamisk miljø med elevar og tilsette med ulik kulturell og etnisk bakgrunn, jamfør UWC sine verdiar og misjon

Vi tilbyr

Kva kan vi tilby?

• Ein strukturert arbeidskvardag med høve til ulike kurs og eigenutvikling

• Løn etter KS tariff

• Gode pensjons- og forsikringsordningar

• Tilgang til Røde Kors Haugland rehabiliteringssenter sine basseng og treningsrom

• Tilgang til ulike utandørsaktivitetar, organisert gjennom skulen

Om arbeidsgiveren:

United World College Red Cross Nordic(UWC RCN) vart grunnlagt i 1995 på Haugland i Fjaler kommune. Skulen er ein internatskule med omlag 200 studentar frå meir enn 80 ulike nasjonar, med undervisning basert på International Baccalaureate Diploma Programme (IB). Etter to år ved UWC RCN startar dei fleste studentane høgare utdanning ved prestisjefylte universitet verda over. Skulen arrangerer òg sommarleirar for barn i samarbeid med Røde kors og leirskuleopphald for norske skuleklassar. Skulen har i dag 60 fast tilsette, med omlag ein halvpart innan undervising og den andre innan administrasjon og støttefunksjonar.

UWC RCN er eit unikt miljø på ein unik stad. Du vil neppe finne liknande miljø med slik variasjon i mangfald, utfordringar og interessante oppgåver. Vi er eit fleirkulturelt samfunn, der alle har eit ansvar for studentane og gjestane sin velferd, utdanning og opplæring, og der vi jobbar tett ilag. Det kan til tider vere krevjande, men er samtidig veldig gjevande.