JURIST. Vestland. Noruega

Om stillinga

Ved Senter for narkotikaprogram med domstolskontroll (ND-senteret) er det ledig stilling som jurist.

Betinga dom på vilkår av gjennomføring av Narkotikaprogram med domstolskontroll er eit alternativ til fengsel for rusavhengige som vert dømde for kriminalitet knytt til rusavhengighet. 

Narkotikaprogrammet er eit individuelt tilpassa rehabiliteringsprogram som inneheld mange ulike tiltak. Målsettinga er å forebygge ny kriminalitet, fremme domfeltes rehabilitering, samt styrke og samordne dei praktiske hjelpe- og rehabiliteringstilboda. Ordninga er eit forpliktande samarbeid mellom ulike etatar, og ND-teamet er tverretatleg og  tverrfagleg samansett.

ND senteret ser etter ein engasjert jurist som kan tenke seg å jobbe med dette saksfeltet.

ND-senteret i Bergen  ligg organisatorisk under Kriminalomsorga region vest, som er underlagt Kriminalomsorgsdirektoratet. Til region vest ligg det tre friomsorgskontor, 5 fengsel og overgangsbustad i Møre og Romsdal og Vestland fylke.

Senteret har ansvar for gjennomføring av ND-dommar i heile Hordaland. ND-senteret er også eit nasjonalt kompetansesenter, og har derfor ansvar for oppfølging med og rettleiing av sakene som region vest, region sør, og region sørvest jobbar med. 

Arbeidsoppgåver

• Skrive kravsmål og gjennomføre rettsmøte
• Prosedere saker for domstolane
• Tett samarbeid med domstolen , påtalemakta/politiet og forsvararar
• Informasjonsverksemd knytt til ND programmet
• Følge opp domfelte i ND-programmet
• Kontrollere at domfelte overheld gjeldande vilkår
• Delta i ansvarsgrupper
• Rådgiving til andre einingar i kriminalomsorga si samband med kompetansesenterfunksjonene
• Delta i utarbeiding av personundersøkingar til bruk i straffesaker
• Det er aktuelt å yte juridisk bistand/rådgiving til andre einingar i region vest (både fengsel og friomsorgskontor) og saksbehandle etter straffegjennomføringslova.

Den som blir tilsett, må rekne med endringar i ansvars- og arbeidsområde.

Utdanning og erfaring

Du må ha

• juridisk embetseksamen / master i rettsvitskap
• minimum 3 års relevant erfaring
• god munnleg og skriftleg framstillingsevne på norsk vert vektlagt

• noko kjennskap til straffegjennomføringskjeda er ein fordel

   

Det er ønskeleg at du har

• kjennskap til rusavhengigheit
• erfaring med å jobbe i team 
• noko erfaring frå omsorgsarbeid
• førarkort klasse B

Personlege eigenskapar

• gode kommunikasjons- og samarbeidsevner
• er sjølvstendig, initiativrik og har god gjennomføringsevne
• evne til å samarbeide godt med ulike faggrupper
• jobbar systematisk, effektivt og nøyaktig
• har evne til å planleggje og strukturere ein arbeidskvardag med mange oppgåver og prosessar
• evne til å motivere andre for endring

Det vert lagt stor vekt på personlege eigenskapar i denne stillinga.

Vi tilbyr

• meiningsfulle oppgåver i ein etat med eit viktig samfunnsoppdrag
• gode pensjons-, forsikrings- og låneordningar i Statens pensjonskasse.
• trivelege lokale i sentrum, kantineordning og eige cellekontor. 
• moglegheiter for heimekontor etter avtale
• stillinga blir lønt som rådgiver fra kr 624.500 - 720.100, avhengig av kvalifikasjonar og erfaring, det blir trekt 2 % innskot til Statens pensjonskasse

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her.

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til  ND-leiar Vibeke Nistad Dieseth tlf. 90996265.

For spørsmål om elektronisk utfylling av CV kan Jobbnorge kontaktast på 75 54 22 20.

Om arbeidsgiveren:

Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon.Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.