ID 960 Elektrikar, tømrar, røyrleggjar, byggdrift. 100% fast stilling

Etaten Samfunnsutvikling og drift i Fitjar kommune har ansvar for drift og vedlikehald av den kommunale eigedomsmassen, veganlegg, kaier, bruer og grøntanlegg. Me har ledige stillingar som hovudsakeleg er knytt til byggdrift.

I stillinga vil du jobba på alle dei kommunale eigedomane. Dette er m.a. både skuler, barnehage, helsebygg og kontorbygg.

Arbeidsoppgåver vil blant anna vera

• Drift og vedlikehald av dei kommunale bygga

• Optimalisera drifta av dei tekniske anlegga

• Drift og vedlikehald av uteareal og veganlegg ved behov

• Utlevering av hjelpemidlar

Me ser etter nokon som er serviceinnstilt, løysingsorientert og som liker ein jobb med stor spennvidde. Me vil prøva å tilpassa arbeidsoppgåvene noko etter utdanning og interesse.

Du vil og inngå som ein del av teknisk vakt. Vaktordninga er fordelt på dei tilsette på driftsavdelinga og VA-avdelinga og inneber roterande vekesvakt (inkludert helg) knytt til bygg og vassverk.

Kvalifikasjonar

• Fagbrev innan eitt eller fleire av dei aktuelle fagområda, td. elektro, tømring, røyrleggjar, byggdrift, automasjon eller liknande. Lang relevant erfaring vil i visse tilfelle kunna kompensera for manglande utdanning.

• Erfaring med bygg- og anleggsforvaltning er ynskjeleg.

• Erfaring med styringssystem knytt til tekniske anlegg og FDV

• Gode datakunnskapar og interesse for digitalisering

• Interesse, vilje og evne til å læra deg dei delane av jobben som du eventuelt ikkje har kjennskap til frå tidlegare.

• Evne til å arbeida sjølvstendig.

• Førarkort klasse B. Klasse BE er ein føremon.

Me kan tilby

• Spanande og meiningsfylte arbeidsoppgåver innanfor eit viktig samfunnsområde

• Godt arbeidsmiljø med engasjerte medarbeidarar

• God offentleg pensjonsordning

• Stilling i ei inkluderande arbeidslivsverksemd (IA -verksemd)

Dersom søkjar ynskjer å verta unnateke frå offentleg søkjarliste, lyt søkjar spesifisera og grunngje det i søknaden. Opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista. Dersom oppmodinga ikkje vert teke til fylgje, skal søkjaren varslast om dette.

Om arbeidsgiveren:

Fitjar er ein øykommune som ligg vakkert til på nordsida av øya Stord i Sunnhordland. Her finn du framleis urørt kystlandskap, ein unik skjærgard med idylliske vikar og omlag 380 øyar, holmar og skjær. På øya er det mange flotte, merka turstiar i som er mykje nytta. Meir informasjon om Stord/Fitjar turlag finn du her

Visit Fitjar inneheld informasjon om ymse aktivitetar i Fitjar.

Litt informasjon om Fitjar turistinformasjon: Fitjar turistinformasjon | Tourist Information | Fitjar | Norway (visitnorway.no)

www.visitsunnhordland.no inneheld mykje informasjon om reisemål, aktivitetar og tenester i Sunnhordland.

Fitjar er ein framtidsretta kommune med spanande moglegheiter. Kommunen har ca. 3200 innbyggjarar. Gode buforhold, eit levande lokalsamfunn og eit næringsliv i utvikling er viktige grunnsteinar i kommunen vår.

Fitjar kommune ligg midt i Sunnhordland - les meir om regionen på www.buiSunnhordland.no