ID 947 Reinhaldsoperatør 100% stilling fast. Vestland

Fitjar kommune lyser ut 100% fast stilling som Reinhaldsoperatør

Stillinga høyrer til under etaten Samfunnsutvikling og drift, som har ansvaret for reinhald på skuler, barnehager, rådhus, brannstasjon og bygg knytt til teknisk drift. Arbeide foregår på dagtid og du må kunne starte kl. 06:00 om morgonen. I tilsetjingsprosessen kan det bli ledig 1-2 deltidstillingar i tillegg til 100% stilling, same søkjarliste blir brukt.

Arbeidsoppgåver:

Reinhald på dei aktuelle bygga, både dagleg og periodisk reinhald, golvbehandling og hovudreingjering.

Kvalifikasjonar:

• Fagbrev som reinhaldsoperatør, eventuelt erfaring kan kompensera for fagbrev

• Sertifikat for bil, klasse B og disponera bil

• Kan arbeide sjølvstendig, men og kunne arbeide i team

• Me nyttar norsk som arbeidsspråk.

• Søkjarar bør ha gode skriftlege og munnlege norskkunnskapar

• Grunnleggjande datakunnskaper

Personlege eigenskapar:

Våre reinhaldarar er nøyaktige, effektive og sjølvstendige. Dei er positive, fleksible og serviceinnstilte og saman med dei andre tilsette bidreg dei til at me har eit godt arbeidsmiljø.

Me tilbyr:

• Godt arbeidsmiljø

• Løn etter avtale

• God forsikrings- og pensjonsordning

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

For spørsmål kring stillinga, ta kontakt med leiande reinhaldar Hildegunn Helland, tlf. 971 55 686

Om arbeidsgiveren:

Fitjar kommune er liten i innbyggjartal, men stor på naturopplevingar og fellesskap. Her finn du framleis urørt kystlandskap, ein unik skjergard med idylliske vikar og eit mylder av øyar og skjer.

Gode butilhøve, eit levande lokalsamfunn og eit næringsliv i utvikling er viktige grunnsteinar i kommunen vår. Kommunen har omlag 3 200 innbyggjarar og er i ei positiv utvikling.