INTERNSHIP - Sommarjobb i prosjektet "Sats på Skjåk"

Skjåk kommune har ledig sommarjobb som "internship" i prosjektet "Sats på Skjåk" innan kommunikasjon og marknadsføring.

Gjennom programmet "Internship Gudbrandsdalen" søkjer vi deg som er student til å vere med og utvikle vårt tilflyttarkonsept "Sats på Skjåk". Konseptet har som mål å auke tilflytting til kommunen, styrke rekruttering til næringsliv og offentleg teneste og gje ny vekst i bygda. For å oppnå det må vi marknadsføre Skjåk sine kvalitetar og dei tilboda som finst i kommunen vår på ein kreativ måte. Det er her du vil spele ei viktig rolle.

Du vil jobbe saman med prosjektleiar i "Sats på Skjåk" og utarbeide materiell til vårt tilflyttarkonsept. Ein sentral del av jobben vil vere å produsere innhald til publisering på nettside og sosiale media. Gjennom arbeidet vil du få innsikt i korleis kommunen jobbar strategisk med næringsutvikling, tilflytting og verdiskaping.

Vi ser etter deg som

• er student og har kreative ferdigheter og gode formidlingsevner. Kunnskap om bilete- og videoproduksjon vil bli vektlagt.
• er strukturert og sjølvstendig i arbeidet.
• har relevant utdanning innan kommunikasjon/media/digital marknadsføring, og du er student på bachelor- eller masternivå.

Arbeidsperiode

5-7 veker i perioden juni-august 2024. Skjåk kommune fastsett tidspunkt saman med aktuell søkjar.

Vi tilbyr

• Ein jobb der du kan få utfalde deg innanfor eit nybrotsarbeid for Skjåk Kommune. Du vil og lære meir om korleis ei kommune jobbar heilskapleg med viktige samfunnsmessige utfordringar.
• Deltaking i programmet "Internship Gudbrandsdalen" -- med tilbod om nettverk og aktivitetar gjennom sommaren -- både fagleg og sosialt (sjå meir om programmet nedanfor).
• Tilsetting på kommunale vilkår med løn etter avtale.
• Vi kan hjelpe til med å finne bustad.

Om "Internship Gudbrandsdalen" - programmet

Ønskjer du å vise deg fram for spennande bedrifter og verksemder i Nord-Gudbrandsdal?

Styrk Sel har som oppgåve å bidra til spennande arbeidsplassar i Otta med omland, og har dermed teke initiativet til Internship Gudbrandsdalen. Vi ønskjer å satse på unge krefter som viktige bidragsytarar til regionen- både no og i framtida. Vi vil at du som studerer til ein bachelor- eller mastergrad, og ønskjer å bygge verdifull erfaring, skal søkje på internship gjennom dette programmet - i ein region med spennande bedrifter, fantastisk natur og kort veg til både fjord, fjell og by.

Som ein del av opplegget får du moglegheit til å bygge nettverk med andre studentar som er internship i andre kommunar. Samtidig får du mellom anna delta på festivalen Rondaståk, vere med på rafting, delta på felles fjelltur med fantastisk utsikt, samt oppleve Peer Gynt på Gålå og Humankapitalens dag. I tillegg vil du få moglegheit til å besøke og bli kjent med andre bedrifter i området og få innsikt i korleis dei jobbar.

Dette opplegget er tilpassa slik at du som student skal få nytta din teoretiske kompetanse i praksis, og det vil vere god førebuing til yrkeslivet. Dei som blir tilsett som internship vil gjennom dette programmet få ansvar for oppgåver som er strategisk viktige for bedriftene, og dermed veldig bra å ha på CVen til seinare. Vi håper at dykk som søker på dette programmet vil bli gode ambassadørar for å velje vår region som framtidig bu- og arbeidsstad.

Om Skjåk

Skjåk er ei naturskjønn fjellbygd med mange fritidsmoglegheiter for deg som er glad i natur og friluftsliv. Her kan du velje blant mange turmål i nærmiljøet, og det er kort veg til nasjonalparkane Reinheimen, Breheimen og Jotunheimen.

Spørsmål kan rettast til næringssjef Sølvi L. Hiller, mobil 911 14 550, e-post solvi.lemstad.hillerskjaak.kommune.no

Søknadsfrist 8. mars 2024

• Elektronisk søknadsskjema
• Søkjarlista vil bli offentleggjort

Kommunedirektøren

Om arbeidsgiveren:

Skjåk kommune er ein spennande fjellkommune som ligg øvst i Gudbrandsdalen. Kommunen har ca 2200 innbyggarar med kommunesenteret i Bismo. I Skjåk er det eit variert næringsliv innan industri, handel, reiseliv og tenesteyting. Ny barne- og ungdomsskule, barnehagar, godt utbygde helse- og omsorgstilbod, idrettsanlegg med symjebasseng, hall og friidrettsanlegg, kulturskule, bibliotek, skianlegg og mykje meir. Industri, landbruk og handverksbedrifter tilbyr moderne og tradisjonsrike produkt. Skjåk samarbeider tett med kommunane både aust- og vestover. I Skjåk har vi ein køfri kvardag med tilgang til fantastiske natur- og fritidsaktivitetar. Breheimen og Reinheimen nasjonalpark gjev moglegheiter for varierte naturopplevingar. Her kan du dyrke aktivitetar som fotturar, sykling, elvepadling, juving, toppturar på ski, fiske og jakt.