Oferta de Empleados de servicios de transporte en Rogaland (Noruega)

Vil du ha ein jobb som betyr noko for andre – og samstundes få ei spennande utdanning?

Som lærling i logistikkfaget på Haugesund sjukehus blir du ein del av eit team som sørgjer for at alt flyt som det skal. Du bidreg til at pasientar får rett behandling til rett tid, og at helsepersonell har det dei treng for å gjere jobben sin.

For å få opplæring i alle kompetansemåla i læreplanen, vil noko av læretida vere ved terminalen til PostNord i Haugesund. Det betyr at du vil få ei spennande og variert læretid.

Kva gjer ein logistikk-lærling hos oss?

• Du jobbar med vareflyt – frå mottak til levering.
• Du lærer om lagerstyring, bestillingar og transport internt på sjukehuset.
• Du får erfaring med moderne system og rutinar som sikrar kvalitet og effektivitet.
• Du samarbeidar med mange ulike yrkesgrupper – ingen dag er heilt lik!

Kva går jobben ut på?

• Varemottak og kontroll av leveransar
• Plukk, pakk og distribusjon av varer til avdelingar
• Lagerstyring og orden – påfyll, rotasjon, sporbarheit og kvalitet
• Bruk av digitale system for bestilling og lager
• HMS og smittevern i all handtering 
• Interntransport og samarbeid med andre avdelingar

• Bestått vg1 teknologi- og industrifag
• Bestått vg2 transport og logistikk. Vg2 må vere bestått før læretida tek til.
• Kunne bruke PC og aktuelle IT-program som arbeidsverktøy
• God orden og adferd 
• Førarkort kl. B/BA gjennomført og bestått innan januar 2027 (dekkes av den enkelte) 
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgerar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.

• Du er påliteleg, møter presist og er ryddig og nøyaktig 
• Du er roleg og vennleg, også når det er travelt 
• Du er praktisk, fysisk aktiv og trivst med å vere i rørsle
• Du likar å hjelpe og vere serviceinnstilt
• Du viser engasjement og tek initiativ 
• Du tek ansvar for eiga læring og jobbar systematisk fram mot fagprøven

• Løn etter tariff for lærlingar 
• Triveleg arbeidsmiljø 
• Fagleg og personleg utvikling
• Eit spennande arbeidsmiljø med høgt fagleg nivå
• Internundervisning, kurs og fagleg oppfølging 

Vitnemål må leggjast ved søknaden. Dersom du går Vg2 no, kan du leggje ved terminkarakterane. Vi ønskjer òg to referansar.

KontaktinformasjonNatalia Soto, Avdelingsleiar Forsyning og Logistikk, 40613860

ArbeidsstadKarmsundgata 120

5528 Haugesund

Nøkkelinformasjon:Arbeidsgivar: Helse Fonna HF

Referansenr.: 5055233870

Stillingsprosent: 100%

Lærling

Startdato: 01.08.2026

Sluttdato: 31.07.2028

Søknadsfrist: 25.01.2026

Om arbeidsgiveren:

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.