Ofertas de empleo de personal directivo de la administración pública en Noruega (Vestland)

Kommunedirektøren skal arbeide for vidare utvikling av lokalsamfunnet og levere gode tenester til innbyggjarane våre.

Vi søkjer ein inkluderande og løysningsorientert leiar som i godt samspel med politikarar, tilsette og tillitsvalde skal arbeide for vidare utvikling av lokalsamfunnet og levere gode tenester til innbyggjarane våre. Vi ynskjer ein kommunedirektør med stort fokus på leiing, samhandling og nærdemokrati. Organisasjons- og kulturbygging samt godt partsamarbeid vil vere viktig. Fitjar kommune treng i åra framover balansere ei berekraftig drift med omsyn til økonomi og tenestekvalitet.

Fitjar kommune har dyktige medarbeidare og  engasjerte innbyggjarar. Den nye kommunedirektøren vil ha ei pådrivarrolle for å vidareutvikle organisasjonen og gjere kommunen endå meir attraktiv for næringsliv  og innbyggjarane. Vi er opptekne av kommunen som samfunnsutviklar og tilretteleggjar, og vi ser det som avgjerande at kommunedirektøren etablerer gode relasjonar til nabokommunane, næringsliv og andre eksterne samarbeidspartar.

Vår nye kommunedirektør må vere ein engasjerande lagspelar med ein tillitsbasert og motiverande leiarstil og inneha gode kommunikasjonsevner og sterk gjennomføringskraft.

Kjennskap til samspelet mellom politikk og administrasjon er ein føresetnad. Gode kandidatar har relevant høgare utdanning, god økonomiforståing, relevant leiarerfaring og kjennskap til offentleg  forvalting. Erfaring frå offentleg sektor vil vera ein fordel, men brei leiarerfaring frå privat sektor, kombinert med kjennskap til offentleg forvalting, kan og vere ein god bakgrunn.

Vi tilbyr ei spanande og utfordrande leiarstilling i ein organisasjon med høg kompetanse og med gode moglegheiter til å påverke utviklinga både i kommunen og i organisasjonen. 

Spørsmål om stillinga kan rettast til Mercuri Urval ved Silje Bolset tlf 975 59 049 eller Ole Petter Bratteberg tlf 975 59 036.

Søk på stillinga snarast og seinast innan 9.4.24. Du søkjer via Jobbnorge her. All uformell kontakt med Mercuri Urval vert handsama konfidensielt, om ynskjeleg og for oppdragsgjevar.

Det vert utarbeida offentleg søkjarliste. Det vert vist til offentleglova§ 25, andre ledd med omsyn til å verta unnateke off.søkjarliste. 

Om arbeidsgiveren:

Fitjar er ein øykommune som ligg vakkert til på nordsida av øya Stord i Sunnhordland. Fitjar er ein framtidsretta kommune med spanande moglegheiter. Kommunen har ca. 3200 innbyggjarar. Gode buforhold, eit levande lokalsamfunn og eit næringsliv i utvikling er viktige grunnsteinar i kommunen vår.