Billett- og salsansvarleg (engasjement 100%). Noruega

Førdefestivalen søkjer ein utovervend og engasjert person som trivast med tidvis høg aktivitet. Vedkommande bør ha erfaring frå sal/sørvis, ha genuin interesse for god kundebehandling og like å oppnå resultat. Du må kunne jobbe sjølvstendig, men også fungere godt som del av eit lag.

Arbeidsoppgåver:

· ansvar for festivalen sitt billettsystem (TicketCo)

· ansvar for billettkontoret under gjennomføring av festivalen

· opplæring og leiing av dei frivillige på billettkontoret

· aktivt sal mot nye kundar

· kontoradministrasjon og relevant arbeid i festivalverksemda

· noko arbeid på kveldstid/helg må påreknast

Ønska kvalifikasjonar:

· utdanning/erfaring frå sal/sørvis/arrangement

· kjennskap til moderne billettløysingar, som i vårt tilfelle er TicketCo

· god IT- og systemforståing

· god kommunikasjon med menneske på alle nivå

Minst like viktig er det at du:

· er imøtekommande og initiativrik

· er strukturert, sjølvstendig, handlekraftig og har evne til å yte ekstra ved behov

· har interesse for musikk, kultur og arrangement

· brenn for det å skape kvalitetsopplevingar for publikum i alle aldrar

· er sjølvstendig, men elskar å jobbe saman med andre mot eit felles mål

· taklar periodar med høge arbeidstoppar

Vi tilbyr:

· eit kreativt arbeidsmiljø, der vi-kjensla er stor og alle tek eit tak når det trengs.

· arbeidsplass i ein av dei fem beste festivalane i Europa, uansett sjanger.

Billett- og salsansvarleg rapporterer til økonomi- og sponsorsjef.

Søknadsfrist 1. desember 2020

Send søknad på epost til: peridar.almaasfordefestival.no

For spørsmål, kontakt direktør Per Idar Almås på epost som over, eller på mobil 91 54 56 03.

Om arbeidsgiveren:

Førdefestivalen er Skandinavias største festival for akustisk folkemusikk og verdsmusikk, og er tildelt EFFE AWARD 2019-20, som ein av dei fem beste festivalane i Europa uansett sjanger. Festivalen er eit av dei største fleirkulturelle arrangementa i Norge, og går over 5 dagar i juli kvart år. I tillegg arrangerer festivalen Bornas Verdsdag Førde og fleire konsertar gjennom året på FolkJazzScena. Administrasjonen ligg i Førdehuset, Førde.